2月14佢冇約到我，唔知佢同邊個過呢…? 👉👈
🚢沉左船一段時間，唔知點上返水? 了解「光環效應」，睇下呢個係咪你沉船既原因啦!~
🌞「光環效應」(Halo Effect)，又稱「暈輪效應」、「月暈效應」等，屬心理學範疇，由心理學家Edward Thorndike提出。指我地會因為局部既認知，而影響對一個人既整體評價。另一個講法可能就係「以貌取人」、「以偏概全」、「先入為主」等等。
💔喺兩性關係上，就可能同「沉船」有關啦~喺「光環效應」既影響下，好容易會過份放大對方某一啲特質，然後以此評論佢成個人。最可怕既係，「光環效應」有機會令人活喺自己既想像中，例如對方只係有禮貌會覆message，就認為佢對自己有feel🤥; 又或者讀書叻，就覺得佢講既野一定岩。
喺關係中過份投入自己既想像，有機會令人冇辨法真正了解另一個人，好難去建立良好既關係。具體表現可能係:
😳對方遲左幾個鐘覆WhatsApp，就開始囉囉攣
🥺岩岩識冇耐，甚至偈都冇傾兩句，就覺得佢係「對的人」
🙉Stalk曬佢IG，仲post埋story引佢注意
呢種狀態下，自己辛苦之餘，對方都好難接收到你既好意架~
💥要突破呢種狀態，可以問下自己係咪真係了解對方，定係一時好感。同時亦可以轉移注意力，將重心擺返落自己到。又或者可以問下可以信任既人既意見，睇下自己有冇被「光環效應」影響。
💖最後，小編想同大家分享著名心理學家👨🎓佛洛姆對「愛」既睇法: 「如果一個人能善於愛人，那麼他也愛自己；如果一個人僅僅愛別人，那麼他根本沒有能力愛別人。」愛人既同時，記住好好愛自己啦~
(以上資料只供參考，有興趣嘅話，大家可以上網搵更多有關光環效應嘅資料)