近排成日聽到「煤氣燈效應」(gaslighting)，大家又知唔知其實係乜嘢呢？🤔😆
「煤氣燈效應」係指喺人際關係當中，操控者會透過欺騙、貶低等心理操縱方式手法去扭曲受害者嘅認知，令他們陷入自我懷疑，唔再相信自己，最終墮入操控者嘅精神控制。😵💫😵
但其實「煤氣燈效應」係點嚟㗎？「煤氣燈效應」一詞係源自電影《煤氣燈下》(Gaslight)，男主角用咗各種操縱手法去控制女主角，其中一個方法係故意將家中煤氣燈調得忽明忽暗，當女主角就燈光變化詢問時，他不斷否認，並反指係她自己嘅幻覺，長久下來女主角開始質疑係自己嘅精神出現了問題。
煤氣燈操控法手段主要可以分成三種:
➡️第一種係「欺騙否定」，操控者會不斷否定受害者嘅認知能力及想法, 令他們逐漸懷疑自己，最後就算係面對事實都認為自己係錯誤嘅嗰一方，例如就算受害者真係見到操控者同其他人一齊，操控者可能會講大話，指鹿為馬，堅持係受害者自己睇錯咗。
➡️第二種係「孤立」，操控者向受害者長期灌輸「別人不好只有我好」嘅想法，詆毀他人並抬高自己嘅「好」，令受害者漸漸疏離其他親近嘅人，亦更依賴操控者，例如佢會對受害者講一啲「出面啲人唔信得過㗎，得我先對你咁好」等嘅話語。
➡️第三種係「推卸責任」，即使係操控者嘅錯，他們都會推卸責任，將所有錯誤歸咎於受害者，令受害者覺得係自己嘅錯，更會向操控者道歉，例如操控者對受害者不忠，佢會講到係因為受害者嘅錯，佢先會咁做。
其實唔淨止愛情關係會出現「煤氣燈效應」，其他關係如親情、友情都有可能出現㗎！所以大家可以學習點樣避免關係中的「煤氣燈效應」🙅要理性及冷靜分析，例如學習理解同肯定自己嘅情緒、建立更多元嘅人際支持網絡同留意煤氣燈操控者嘅特徵，都有助防範「煤氣燈效應」，而在懷疑關係缺陷入「煤氣燈效應」嘅同時，記住要衡量番現實情況同事實，深入了解，避免先入為主，亦可考慮與對方坦承討論，以分析雙方關係係咪真係出現咗煤氣燈效應㗎！🧐
以上資料只供參考，有興趣嘅話，大家可以上網搵更多有關煤氣燈效應嘅資料～
————————————————————————
DSE升學專線：2777 1112
Wtsapp：54055051（查詢DSE活動詳情）
Wtsapp：62778899（utouch情緒支援)
Facebook：DSE 27771112
Instagram：dse 27771112
#gaslighting #煤氣燈效應