唔知大家同男/女朋友、屋企人或者朋友仔
會唔會經常因溝通出現爭執，關係慢慢變得越嚟越差呢？🤔
🎓約翰高特曼博士（Dr John Gottman）發現咗四種負面溝通模式。
Gottman認為如果一段關係出現以上嘅溝通模式而無作出改善嘅話，
即可預測該段關係即將完結，而且準確度高達九成。
今日，就讓我哋了解下呢四種負面溝通模式啦。
==========================
▶️第一種：批評（Criticism）🤬
【批評】並唔係指對某啲事嘅負面評價或對具體事情嘅投訴，
而係針對對方嘅人生攻擊，直接攻擊對方嘅核心人格。
【批評】會導致聽者感到受辱，被拒絕及受傷。
而呢種溝通模式只會令摩擦不斷升級，衝突越嚟越強烈
==========================
▶️第二種：輕蔑（Contempt）🙄
【輕蔑】係指不尊重，惡意嘲笑或者諷刺對方，
為對方起難聽嘅花名或向對方【反白眼】。
目的係讓對方感到被鄙視或覺得自己一文不值，從而作出屈服。
==========================
▶️第三種：防禦（Defensiveness）🙅🏻♂️🙅🏻♀️
【防禦】係對【批評】嘅常見反應。當我哋覺得被無理取鬧嗰陣，
會自動咁搵藉口或者扮成無辜嘅被害者，期望對方會讓步。
【防禦】其實係指責緊對方，認為個問題唔係自己造成，而係對方導致。
結果，唔單只無解決問題，仲令到衝突升溫。
==========================
▶️第四種：冷處理（Stonewalling）🥱
【冷處理】係對【輕蔑】嘅常見反應。
當聽者想退縮、關機或者當刻唔想回應嘅時候，
就唔會想同對方一齊面對難關或者衝突。
【冷處理】嘅人會逃避問題，例如突然轉身離開，
假扮忙碌或者玩失蹤。
【冷處理】係利用沉默向對方抗議，
但又無如實咁表達自己嘅想法或者需要。
認為對方根本唔明白自己，
最終壓抑嘅情緒會突然向對方大爆發。
以上資料只供參考，如果有興趣嘅朋友可以搵多啲資料
或者參加小組活動了解多啲啦！