「佢都唔講愛我嘅……唔通佢唔愛我？」
「佢都唔送嘢比我……唔同佢唔重視我？」
唔知大家同伴侶相處嘅時候有冇呢啲諗法呢？😣根據美國著名婚姻治療師蓋瑞‧巧門（Gary Chapman）嘅理論，原來伴侶之間好多衝突係嚟自大家表達愛嘅方法唔一樣😨所以佢提出咗「五種愛的語言」嘅理論，分析咗五種較常見表達愛嘅方式～唔同人都可能會有偏向喜歡嘅方式，唔知你又鍾意邊種多啲呢？😚
肯定的言語（Words of affirmation）💬
「肯定的言語」包括咗稱讚、鼓勵，同埋向對方表達感謝🥰透過關懷、發自內心嘅稱讚去滿足對方嘅心理需求，令對方因為受到讚美同埋肯定而感受到被愛！呢種方式唔限於口頭表達，透過寫紙仔都可以傳遞愛㗎📝
服務的行動（Acts of services）👩🏻🔧👨🏻🔧
「服務的行動」係指真誠咁照顧對方同埋為對方做事，要注意呢啲行動係要主動、自發性嘅😝唔應該被強迫而發㗎！透過實際行動，令對方感受到被愛、被關心🥰
貼心的禮物（Receiving gifts）🎁
「貼心的禮物」係指贈送適合對方、符合對方需要嘅禮物～呢啲禮物唔一定係非常貴重，最重要係可以透過送禮物表達到對對方嘅愛，呈現到心意❤️
精心的時刻（Quality time）⏰
「精心的時刻」係指投放專注力係對方身上，享受彼此嘅陪伴，一齊做唔同嘅事👥透過同對方嘅
相處，感受到被愛同埋彼此嘅親密！💓
肢體接觸（Physical touch） 🫂
「肢體接觸」係指透過同對方有唔同嘅肢體接觸傳遞支持同埋情感～簡單嘅拖手或者拍吓膊頭已經可以達到呢種效果😍
唔知大家睇完之後有冇發現自己偏向喜歡某種「愛之語」呢？🤪網上都有好多唔同嘅心理測驗可以測試到自己嘅偏好㗎😚呢套理論唔單止可以運用係戀愛上，更加可以套用係唔同嘅關係，例如友情、親情等👯♀️希望大家了解完自己嘅「愛之語」之後，可以更加識得同身邊嘅人傳遞愛啦🥰💓
以上資料只供參考，如果有興趣嘅朋友仔可以再搵多啲資料㗎！