有無諗過，原來「快樂」都可以練習？由細到大，都會聽過唔少「你做人開心啲啦。」之類既說話，但就從來無人教我地如何「快樂」。其實我地可以學習「快樂」，仲可以練習「快樂」添！等我地同大家分享一個「快樂」既練習啦😆！
1️⃣ 搵一個寧靜舒適既地方，鐘意既話都可以播放柔和既音樂。
2️⃣ 拎一張紙，上面寫上日期及「快樂練習」，要話比大腦知，我而家要練習快樂。
3️⃣ 將你今日既感受寫低，不論正面或負面都可以。
4️⃣ 如果你紙上只有負面的感受，試回想下一件小事係令你有正面感受，嗰件事唔一定令你超級「快樂」。
5️⃣ 然後將正面既感受圈出嚟。
6️⃣ 睇下！你將佢搵咗出嚟啦！
做完練習之後都唔覺得有快樂咗喎？是。
練習後唔一定即刻變得快樂，就好似學游水，都唔會練習一次就會學識。但係，宜家你就知道了，「快樂」係一直存在的，只是「快樂」被「傷心」、「痛苦」、「煩惱」等負面情緒蓋過咗。「快樂」唔需要比較，唔需要計算，我地只要學會抓住「快樂」，就會發現「快樂」🥰。
7️⃣最後，感謝一個人或一件事，曾經令你快樂過。
下次再分享吾同既「快樂」練習俾大家啦！