有無試過同一啲唔熟嘅人一齊行會覺得好尷尬？遇到唔熟既人更加會有避開既想法，內心好驚應該要傾咩話題好？
今日就一齊好好傾吓點樣可以感到自在去開展話題啦～ 希望以下既傾偈小技巧可以幫到大家，以後見到陌生人、異性同埋同學可以練習吓🥰
/當啱啱認識仲未好熟/
可以用心記住對方嘅名，對話間亦都可以多啲稱呼對方個名，對方會更加覺得親近㗎。另外，試下鼓起勇氣嘗試積極同對方傾偈，可以係閒話家常，如：興趣、飲食、畢業學校等等，咁樣做都係比對方知道「我有興趣認識你，我想了解你」，會較容易獲得好感。
/當有一定既信賴關係/
當關係有一定程度既信任，可以試下傾談自己生活上既小事，心理學叫做「自我披露」，呢個亦都係信任對方既證明，呢個時候對方可能會做同樣既「自我披露」。
/咩情況下先做自我披露？/
要係適當既時機，配合雙方既關係進展㗎。例如，你先講自己嘅興趣之後再問對方有咩興趣，咁樣對方會比較好回答。完全唔講自己有咩興趣，劈頭就問對方興趣係咩，咁會比較難傾偈。同埋自我披露呢樣嘢係自發性既行為，我哋都強迫唔到對方一定會講自己既嘢。
總結：所有關係都要慢慢來，多啲練習就會進步，唔急得㗎。