有無諗過咩都唔需要就可以哼哼鬆鬆放鬆到自己？🥺
好易架咋，等小編教你點做到啦！😆
——————————————————————————
呼吸1001！開始~🧘🏻♀🧘🏻♂
選擇一個恆常既時間，每日練習。建議係朝頭早，因為頭腦會清靜啲，同埋可以幫你準備一個平靜既心情迎接新嘅一日☺️ 或者有情緒既時候都可以做呢個練習，會幫你穩定情緒，同自己連結番🧚🏻♂
——————————————————————————
首先，搵一個舒適而又唔會被打擾到既地方坐低
然後，調整至一個舒適坐姿，手仔可以放係膝頭上面或者平放係大脾。合埋眼😑慢慢呼吸。
將注意力放係你既呼吸上面，留意佢既節奏，慢慢調整佢既節奏。 慢慢吸1~2~3，慢慢呼1~2~3。
再留意下肚仔，吸既時候會脹既，呼既時候就放鬆😌
係呢個時候~可能會聽到自己心跳聲、呼吸聲，好好咁覺察佢地。
——————————————————————————
💭如果練習中，間唔中會有其他諗法係腦海出現，係好正常的~容許佢地既存在，當你意識到有想法出現時，只需要輕輕提自己將注意力番去呼吸上面就可以啦🧚🏻♂
💭一開始可能會唔習慣，只需要持之以恆既練習，你會發現慢慢既轉變😛 一開始練習時，可以set個時間比自己，例如5-10分鐘練熟左之後就可以因自己需要加長或者調整時間