【情緒急救包｜而存在太難 流淚太應該】
/而存在太難 流淚太應該/
當你見到朋友喊，有無講過「唔好喊啦」？人都希望生活開開心心，有時我哋都唔明白「傷心」既出現有咩價值同作用。只會令人難過痛苦，甚至具破壞性。
而我哋人生會遇到好多挫折、創傷、失去，有人會話，笑著積極面對總比崩潰大喊好吧。但其實人生既遭遇或多或少會對我地內心造成傷害，如果只得積極正面既情緒去面對的話，可能唔可以完全復原內心既傷害。而傷心哭泣好似係一個情緒失控既狀態，但亦可能係療傷既一個過程，切切實實地去感受同釋放我哋內心既脆弱同難過。
/流淚的好處/
第一個就係治療悲傷。神奇既地方就係悲傷另一個作用係令你唔再悲傷。當你知道最好既朋友要移民離開，係機場道別時忍不住大喊，彼此擁抱。原來最能夠治療內心既傷心，唔係笑著道別，而是擁抱傷心，大喊一場。俾自己有難過既空間，盡情表達出來，更可以令自己同人地明白到你內心既重視，加深大家既關係，經歷更深刻難忘。
第二個好處令你有豐富既情感。真實既人生就係有喜有悲，悲傷先可以反映出更多美好同快樂。識得憂傷可以成為一個好既安慰者，更易明白其他人既感受，會分擔痛苦，有更多關愛既連結。另外，傷痛令我哋察覺到人既需要同對人性既洞察，唔少成功既文學及小說家，都曾經透過傷痛既經驗寫下引人共鳴既經典作品。
朋友唔開心，我要講咩好？即刻去 @dse27771112 最新嘅post「我會借你這對熟悉的肩膀」睇下。
#情緒急救包 #而存在太難 #流淚太應該 #tearishealing #情緒支援 #hearforyou #carer #memtalhealth #wellness111
————————————
關心一線：27778899
服務時間 : 星期一至六 14:00-02:00