【情緒急救包｜It’s okay to be sad】
「儘管哭到破曉 不必裝作看開了」
生活中總會遇到堅持唔住嘅關卡，你可曾諗過不如放棄，但隱約又聽到 :「放棄就係弱者，你只係逃避、懶惰」，於是你強行壓抑心中嘅混沌，洗洗張臉，又再強顏歡笑面對人群。你亦可能會同自己講 :「咁小事就唔開心，講出嚟都會被嫌棄啦……時間沖淡咪無事囉……」慢慢咁你就會習慣埋葬自己嘅情緒，喺人地眼中你一如既往，但你知道自己可能接近崩潰邊緣，只係選擇無視內心嘅巨浪，任由巨浪逐點磨蝕自己嘅希望同情感……
「It’s okay to be sad It’s okay to lose your mind」
你或許有無人明白嘅壓力、有講唔出口嘅祕密，但要緊記係累透嘅時候、走唔出困境嘅時候，唔好只將情緒收埋喺心入面。唔開心無分大定細，係需要經歷感受嘅時刻，同你身邊嘅朋友、家人或者社工、輔導員講出嚟，你嘅每一個唔開心都值得被聆聽。係傷痛嘅過程中唔洗假裝堅強，可以盡情流露，同身邊人傾訴。
如果你唔知點面對，你可以打嚟關心一線2777 8899同我地輔導員傾談，可以放心講出你內心既糾結困擾。
點樣可以發現身邊同學朋友壓抑內心情緒?可以去 @dse27771112 最新嘅post「關懷課室中沉默的聲音」睇下佢地有咩特徵。
————————————
#情緒急救包 #itsokaytobesad #儘管哭到破曉 #不必裝作看開了#情緒支援 #hearforyou #carer #memtalhealth
關心一線：27778899
服務時間 : 星期一至六 14:00-02:00