/不能「梳」的秘密/
你有無一啲收埋係心入面不能說的秘密呢？而呢啲秘密喺唔敢同任何人講? 你諗起呢啲秘密又會有咩心情？
其實「講不出聲」嘅秘密，某程度都可能會有創傷性質。長期收埋收埋咁多秘密，都可能反映自己成日都壓抑住心裡真實嘅感受，而個過程中都用咗好多生理、心理上嘅努力去掩蓋呢啲秘密，所以無論生理定心理上都唔太健康。隨住時間嘅推移，呢啲累積嘅秘密會令你付出更大嘅代價，例如 : 係低幸福感中度過日常生活、或者出現同壓力相關嘅問題。
其實越嚟越多學者相信同研究顯示，嘗試寫出或者講出秘密，可能喺戰勝創傷重要嘅一步。嘗試去表達嘅過程，可以重新審視自己嘅經歷同情緒，或者可以帶俾自己無諗過嘅啟發。
/面對那個赤裸裸的自己/
寫出或講出自己嘅秘密，意味住自我表露，亦都喺自我接納嘅開始。但應該點樣去表露自己嘅秘密呢？點先可以安全而又舒服咁去揭示自己深藏嘅秘密呢?
1️⃣喺一個自由而受保護嘅空間，用一個相對安全嘅表達方式。可以借助藝術創作或者隱喻嘅手法去進行自我表達，都可以搵輔導或者身邊可信嘅人去傾訴。
2️⃣發展自我控制感同埋力量感，多做有自我效能感嘅事情。即使只喺一件小事，從呢啲事情中，慢慢相信自己喺有能力發揮影響與同做出改變。
3️⃣建立有支持性嘅關係圈。人需要同行者給予自己支持。親密關係會某程度上療癒到你，你會發現「即使我有過呢啲經歷，依然值得愛與被愛」。
4️⃣喺完整嘅自我敘述中，重構過去，展望未來。探討秘密中嘅意義，並且去思考自己想要嘅生活。當你決定打開心中嘅秘密，你會發現，原來秘密都可以成為你人生中嘅一件禮物，而你都可以重獲自由。