我最大嘅心願，就喺希望以後情人節只得數秒。
嗰年情人節，我哋喺尖東海傍依偎，喺一對羨煞旁人嘅小情侶。
嗰一刻，縱然我哋還年輕，但彷彿已經擁有全世界。
琪琪：你覺得我哋將來會點呀？
我：將來我會同你渡過每一個情人節。
琪琪：喺唔喺真㗎？你唔準講大話㗎！
我：緊喺真啦，我仲要同你一齊渡過人生每一個大大小小嘅階段，你大學畢業、出嚟做嘢、結婚同埋⋯⋯生仔！
呢一年嘅情人節，我覺得好幸福。幸福唔喺在於情人節，而喺呢個情人節中有琪琪。
不過，幸福總喺悄悄地來，偷偷地逝去。嗰年情人節之後，琪琪對我嘅態度開始有啲轉變。佢對我冷淡左好多，我哋見面嘅時間愈嚟愈少。到上年情人節，我一心為琪琪預備驚喜，希望可以重燃呢段感情嘅熱度，但我無意中見到佢手機，竟然有個叫Chris嘅男仔send咗個「有無掛住我？」嘅訊息俾佢。
我：Chris係邊個嚟架？
琪琪：朋友囉。
我：朋友會send啲咁曖昧嘅嘢俾你咩？
琪琪：佢同我玩下姐啫，你咁認真做咩？唔中意咪分手囉。
自從嗰次同琪琪嘈完，佢都無再覆過我Message，佢已經選擇喺情人節嗰日同我分手。無聯絡幾個月我都仍然未放低琪琪。每當夜深人靜，天花板就喺一個迷你放映院，播放住一套愛情悲劇，而故事嘅主角就喺我自己，更可笑嘅喺作為觀眾嘅我，已經泣不成聲。
今年情人節，同樣嘅尖東海傍，聽住Busker唱道：「如果多風光的小島 也可以一秒變廢土」。令我記起當初同琪琪分手嘅場境，第一次令我感覺到凡喺單身都好可憐，只想呢一日快啲結束。
我但願以後情人節只得數秒