讀咗十幾年書，但硬喺覺得老師眼中，我嘅存在感係零。
自問成績唔算差，但又唔算好好，一直徘徊喺全班中游名次左右，係名符其實嘅「比上不足，比下有餘」。不過一個課室中中庭庭嘅學生真喺有好多，又唔係老師嘅愛徒，又唔喺俾老師「特別照顧」嘅同學，甘唔起眼嘅我，老師叫得出我個名已經要偷笑。
唔知道你有無同樣感覺，覺得自己普普通通，無乜才能，生活平靜，但總覺得少咗啲野咁。話說小編以前都試過有咁嘅感覺，一開始都唔太開心架，好似搵唔到自己嘅優點價值……但唔知幾時開始，當自己慢慢參加咗唔同活動，排球隊、選學生會、做義工，亦都享受其中，開始喺唔同領域拎到啲成功感，慢慢地搵到自己嘅興趣同性格特點，開始對自己有返信心。
/發掘你的獨特價值/
你未必喺人群中突出嘅一個，你或者覺得自己好普通平凡，其實呢啲都喺與人比較後得出嘅結論，但你嘅存在同價值真喺可以用以上兩句說話去定義?
如果你都試過質疑自己，先停低諗下，你而家做緊嘅喺咪你真正鐘意? 喺咪真喺你擅長嘅野?唔喺個個都叻喺讀中英數，計sin cos tan，可能換個環境比你，你會揮灑自如呢。所以，唔好停止去探索自己嘅可能性，去尋找每個可能發光發亮嘅機會，勇於嘗試唔同嘅事物，先會搵到你嘅獨特價值。