/內向者的自白/
「我好想變得外向啲，活潑健談，帶動氣氛，都想成為如此引人注目嘅人。但喺我真喺唔識得講嘢，只會令氣氛變得更尷尬。喺朋友入面成日都會感覺被遺忘。」呢位年輕嘅女孩低住頭，細細聲咁講，雙手不安聲互相握著。
唔通喺呢個群體社會，外向嘅性格先會吸引到其他人欣賞同注目？內向嘅人喺咪要改變自己嘅性格呢？
/內向不必改變/
內向定還是外向，同樣都喺一種存在方式，無關優劣勝負，只不過喺獲取心理能量既來源並不一樣。內向者從獨處獲取能量，偏向喜歡靜默同沉思，社交活動反而會消耗佢地嘅能量同令其感覺疲憊。而外向者則通過人際互動中獲得能量，喺社交中充電，即使多人既場合都可以悠然自在。
不過，其實典型嘅內向者、外向者只喺佔群體嘅1/3。大多數人都喺介乎兩者之間，只喺你有幾大程度偏向邊一個。
/成為發光的你/
典型嘅內向者比較喜愛獨自思考、不太表達，所以就好少自我展現。呢啲特質令佢地存在喺人群中都唔太起眼。不過都無需勉強自己成為一個外向嘅人。最重要喺打造屬於自己嘅光芒！以下有三個小方法：
1️⃣ 喺你信任嘅兩三個好友面前，帶起自己感興趣嘅話題，表達多啲自己嘅觀點。當你開始表達，就會有人駐足聆聽，了解你豐富嘅內心。
2️⃣ 搵到自我展現嘅平台同方式，創造自己嘅「作品」，無論畫作、文章、攝影、手工藝等等，由一件件具體嘅物件，去向人述說真正嘅你。
3️⃣ 嘗試將目光更多放喺自己嘅優點、長處，例如：沉思、專注、敏銳、觀察力強等。
其實任何人格特質都可以喺一把雙刃劍，坦然欣賞自己性格中嘅閃光點，會令你更自信，並且散發光芒。