Jackson：「所以你從來都無試過拍拖？」
望住手機螢幕嘅輸入中，Sophia靦腆咁回應：
「可能考試我可以滿分，但喺···感情呢一方面我要交白卷。」
Jackson：「呢幾日同你傾偈，我覺得你真喺一個好可愛嘅女仔，好難得可以搵到一個咁啱傾嘅人，呢種感覺得你先比到我，不如我哋約出嚟呀!」
就喺咁，Sophia被Jackson嘅說話感動到好快就約咗出嚟見面。嗰次喺Sophia第一次同男仔約會，喺曖昧嘅氣氛下二人已經拖手、擁抱。返到屋企Sophia無時無刻都好掛住Jackson、好鍾意Jackson，成日都會問Jackson做緊咩。雖然嗰次見面二人已經有親暱嘅行為，但隔住個螢幕，又好似多咗種距離感，當Jackson唔上線嘅時候，嗰種不安同擔心嘅感覺就會出現。
有時候Sophia會好疑惑，對於Jackson忽冷忽熱嘅行為好不解，覺得不被重視。不過當Jackson回覆佢嘅時候，Sophia又會好激動同興奮。始終自己都喺A0白紙，呢種感覺令佢好着迷但又好困擾，唔知到底對方諗緊咩。
Q&A
❶「對方鍾意自己會唔會喺錯覺?」
如果出現過Sophia嘅迷惘，首先要冷靜跳出嚟思考兩人之間嘅關係。曖昧的確係非常難以定義嘅狀態，令人患得患失，但其實或多或少都有客觀嘅因素可以參考，呢個時候不妨列出兩個人互動例子，認證對方對自己有無好感。不過，最理想喺享受當下嘅互動溝通，了解對方更多。
❷「避免過度美化對方嘅一言一行，從事實層面進行分析」
喺曖昧嘅時期，難免會因為暗示性嘅說話而小鹿亂撞，忘記從根本去評估對方到底適唔適合自己，所以不管曖昧嘅時候互動係點，都要思考自己欣賞或者鐘意對方啲咩，了解對方嘅本質同性格。
睇完呢個故事，歡迎留言/Inbox我地，分享下你喺交友APP嘅經驗。或者可以打嚟關心一線2777 8899，同我地分享下大家愛情上面嘅困擾。