人越大感覺時間走得越快，人生每分每秒都喺經歷。但夜闌人靜之時，總會回想起細個時嘅自己⋯⋯
細個時，永遠都喺媽咪同家姐幫花花做決定，佢亦不以為然，覺得大人就喺幫小朋友決定曬所有嘢，上至讀書揀學校，下至日常大小二事，家人一直都將自己眼中認為最好最靚嘅俾花花。細個嘅花花仲好享受呢種疼愛同無憂無慮，成為屋企人心中嘅乖小孩。嗰陣嘅佢就好似溫室嘅小花，備受保護。
後來，花花長大，接觸到同細個完全唔同嘅世界，開始多咗好多自己嘅諗法。但亦慢慢發現，屋企人經常拒絕同否認佢嘅諗法同喜好，花花講嘅嘢似乎無任何意義同價值，因為最後都喺屋企人話曬事。雖然佢好氣憤同無奈，但基於由細到大嘅習慣，佢依然做任何決定時都會問過屋企人，無論喺學業、工作定愛情，都一樣好想得到屋企人嘅支持同肯定。
不過，花花越大，令佢發現無辦法再活喺屋企人嘅「人生規劃圖」中。其中一件事就喺花花而家嘅男朋友經濟條件比較平庸，屋企人認為花花要現實啲，應該揀一個經濟條件好好嘅男友，可以確保未來生活，要求佢地分手，但花花認為兩個人一齊最重要喺，男朋友真心真意愛自己，會聆聽同尊重自己嘅諗法。而家嘅花花好矛盾同煎熬，究竟繼續做屋企人眼中嘅乖小孩，定相信自己嘅內心世界，勇敢地做決定？
要知道，我地每一個人都喺自己生命嘅主人，可以有好多自己嘅諗法，長大嘅你唔再受限於童年嗰個細膽、冇信心嘅自己。係餘下嘅生命，更應好好珍惜、好好經歷、好好擁抱自己，為自己嘅內心負責。
睇完呢個故事，歡迎留言/Inbox我地，分享下你覺得花花應該要點做。或者可以打嚟關心一線2777 8899，同我地分享下你嘅童年又點樣影響而家嘅你。
————————————————————————
#不屬於自己的人生規劃圖 #一分鐘故事 #onestory
關心一線：27778899
服務時間: 星期一至六 14:00-02:00