/活在別人的期待中失去了自己/
有無聽親戚講過：一定要讀大學先有前途！
有無聽朋友講過：男仔之家鐘意埋粉紅色嘅嘢，咁乸型嘅你！
有無聽三唔識七既人講過：你__ __ __ __，一定喺__ __ __ __啦！（你腦海出現邊句，請自行填上）
喺成長路上，就會不斷聽到好多嚟自家人、朋友、社會、甚至一啲你唔識嘅人，會同你講你要成為一個點樣嘅人，例如：女仔應該要溫柔、識做家務；男仔應該要理性、體能好。或者佢哋會標籤咗你喺某一類嘅人：內向怕醜、成績差、有情緒病等等。
最終，連你自己都被嗰啲評價、期待、標籤影響你對自己嘅定義。「我天生就喺內向怕醜，所以無人想同我玩。」「我就喺成績差，所以努力都冇用！」「我有情緒病，我好無用，咩都做唔到。」
/天性如何並不重要，重要的是你開始改變/
《優獸大都會》(Zootopia) 電影中，社會對兔仔Judy嘅標籤喺柔弱溫馴，做唔到領袖或者力量大嘅職業；對狐狸Nick嘅標籤喺狡猾欺詐，本性喺會傷害其他動物嘅獵食性動物。我哋未必可以改變到其他人想相信嘅事情、根深蒂固嘅想法。但你可以堅持心目中所追求嘅自己，唔理社會點樣睇你、其他人點樣睇你、佢哋係你身上貼咩標籤，最後，決定標籤嘅價值，取決於你自己。
或者有時候連自己都貼咗標籤俾自己，限制咗自己嘅可能性，不過其實呢啲標籤都只喺你人生其中一小部分，你仲可以有好多其他性格、興趣、社會角色。例如：即使你有情緒病，但你唔只喺情緒病患者，你仲可以喺鐘意跳舞嘅中學生、你細佬嘅家姐、長者探訪嘅義工。我哋可以不斷探索自己所有可能性，追求自己心之所向。
「別人覺得你是誰並不重要，重點是你覺得你是誰。做自己想做的事情，不要做那些別人期望你做的事情。」
————————————
#標籤大都會 #一個情訊 #oneemomation
關心一線：27778899
服務時間 : 星期一至六 14:00-02:00