一個情訊｜童年傷痛真的沒關係?
/忘記痛苦就會幸福?/
有啲童年回憶會想好好咁去收藏，但有啲童年回憶就想拼命去忘記。
一直以為時間可以治癒一切，以為童年所受嘅創傷，伴隨著長大就會消失。而家嘅你外表體面光鮮、生活運作自如、有良好嘅能力，但總會喺某個時刻，出現莫名嘅空虛感，喺某件事情上，又再出現與童年一樣嘅痛感……呢個時候你發現，童年嘅傷口原來一直都流緊血。你會喺嗰個以為忘記痛苦回憶就會幸福，靈魂長不大嘅孩子嗎?
/你的內在小孩是怎樣?/
其實每個人心中都有一個「內在小孩」(inner child)，「內在小孩」源自於童年時所受嘅影響或創傷。幼年時我們所感受到嘅被接納或喜愛、受委屈或傷害，都會深藏喺潛意識中，深深影響成年後嘅我地，不知不覺間左右我地嘅自我認知、行為、情緒反應同人際發展。
《雖然是精神病但沒關係》劇中主角嘅童年創傷都形成左佢地各自既「內在小孩」 : 文鋼太因為媽媽照顧自閉症哥哥，忽視咗佢嘅需要，自我質疑存在價值，以致佢嘅內在小孩喺將所有體貼關愛給予其他人，卻自我壓抑嘅面具男孩；而高文英嘅內在小孩喺缺乏共情力，唔在乎其他人既感受同需要，會經常出現空虛感嘅空罐頭公主；而文尚泰既內在小孩喺只要遇到害怕嘅事，就會逃避面對嘅箱子叔叔。
你嘅內在小孩又會係點樣?
/尋找記憶中的自己/
一齊攞出記憶嘅鎖匙，你會諗翻起過去弱小嘅自己根本無辦法控制同改變呢啲傷害、童年時嘅成熟度不如現在嘅自己、傷害你嘅人或者無記憶中咁可怕。諗清楚過去嘅細節之後，可以將思緒拉返嚟現在，睇吓現在自己嘅改變同成長。現在嘅你，面對同樣嘅境況，你已經有能力去面對，你已經唔再係過去弱小嘅你！
看見自己嘅成長，承認傷痕嘅存在，你就可以同內在小孩好好共存。
參考資料: 《雖然是精神病但沒關係》劇集、 《以為時間久了，我就會沒事》催光鉉
————————————————————————
#童年傷痛真的沒關係 #內在小孩 #雖然是精神病但沒關係 #一個情訊 #Oneemomation
關心一線：27778899
服務時間：星期一至六 14:00-02:00