一分鐘故事｜EP.03 螢幕後的少女
碌~碌~碌~
103人看過此限時動態: jacksonnn_0302, Iamjudyyeung, candycheung…
「Ericleungkl」
碌~碌~碌~
「Ericleungkl和其他56人都讚好」
————————————————————————
之前有一個call，係一個叫琪琪嘅女仔。
佢話呢幾日都會經常mon實啲IG story同post，期待緊一個叫Eric嘅男仔出現。琪琪其實暗戀咗Eric一年啦，佢話近一個月大家好似變得close咗，感覺到兩個人之間唔止朋友咁簡單，好期待同Eric有進一步嘅發展。
但呢幾日因為一件小事，琪琪同Eric就發生咗少少爭執…
話說有一晚Eric想約琪琪出街。
Eric：「hey! 一陣出唔出嚟？」
琪琪：「咁突然！？等我問下屋企人可唔可以出街先啦，如果唔出得，一喺我地星期三或者四先再出啦」
Eric：「你一喺而家出，一喺就以後都唔好出。」
琪琪一開始都覺得好難做，於是即刻問屋企人，屋企人都答應咗。當琪琪同Eric講番呢個消息之後，Eric又遲遲未覆機，於是由8點等到9點，9點又等到10點，點知最後得到嘅回覆伙係「唔出啦」。琪琪知道後覺得好嬲，佢同我講：「咁姐喺點姐，一時又約人出嚟，一時又話唔出，咩都喺佢講曬啦！」嗰晚之後，大家就再無聯絡， 而琪琪只可以係IG度了解Eric嘅行蹤。
————————————————————————
/總要在爭吵以後，才學懂珍惜/
喺呢段時間入面，琪琪其實心入面一直都好掛住Eric，好想大家變返之前咁，亦覺得當初吵架，都只喺好小事。琪琪仲話，自從認識Eric之後，覺得了解多咗自己。以前唔識得點樣自愛，但同Eric相處中，教識咗自己好多野，更陪自己行過唔開心嘅日子。但而家為咗一啲小事破壞咗成段關係，太唔值得，所以琪琪決定主動再搵返佢，希望可以同佢和好如初，甚至…表白。
/小編嘅聽後感/
聽到呢到，小編都比琪琪嘅純愛故事搞到心仔滾動滾動，實在太青春啦（好耐無feel過^.^），好欣賞琪琪會反思關係中嘅得著，清楚咩先對自己重要。有時關係就喺咁，身邊嘅人就好似喺一塊鏡，反映到自己有咩優點缺點，喺人地身上，總會學到多少野，每段關係，都喺一個成長既過程。小脾氣大家都會有嘅，但無你嘅小氣，又點襯托我嘅大量呢？（講笑講笑）最緊要大家冷靜過後，主動講返件事，表達返自己當時嘅感受，互相體諒一下，小事都可以化無啦。兩個獨立嘅人一齊相處，點都會有磨擦，唔嬲過又點知你在意啲咩呢 ! 所以話「嗌交可以增進感情」，絕對有佢嘅道理。喺到衷心祝福琪琪，希望你表白成功啦！
唔知你地，又有無試過同身邊嘅人因為小事而鬧交，事後又好後悔呢?
歡迎Inbox，或者直接call in 27778899，我地一班社工都好樂意聽你地嘅少男少女心事架 !
————————————————————————
#螢幕後的少女 #關注他追看他在螢幕裏牽掛 #一分鐘故事 #Onestory
關心一線：27778899
服務時間: 星期一至六 14:00-02:00