一個情訊｜聽日真係會好天?
/運氣這種事/
唔通連個天都唔鐘意我? 有時個人黑仔起上黎真係……唔知大家有無試過係街度跌左電話、銀包呢? 又或者出去戶外玩先黎落雨。雖然唔係啲咩大事，但面對依啲情況，我地會嬲、會埋怨、會難過。可能會怨個天點解自己係「黑仔王」，好既事就無發生過，唔好既事就接踵而來。
/接受難過既探訪/
遇上不幸，我地會覺得難過。難過係一種唔舒服既感受，可能會覺得胸悶、垂頭喪氣、笑唔出、甚至想喊。就好似踢波先嚟落雨，都會好想問句：「唔通連個天都唔鐘意我?」但我地未必要即刻答：「聽日一定會好天既!」，可能出於善意既安慰，實際上否定左自己/對方既感受。
其實難過依種心情係人面對唔如意事情既本能反應，需要時間消化同治癒。可惜身處節奏急速既生活，我地會唔比自己盡情體驗難過，甚至人地難過都只係希望佢快啲振作。不妨先耐心了解自己/對方點解難過，一齊感受下果種難過，陪伴同支持既行動可能就係最好既安慰劑。
/It’s a bad day not a bad life./
雖然發生左既事情改變唔到，但我地可以學習接受自己既情緒，接受自己既唔開心，好好咁去感受、消化同療癒。It’s a bad day not a bad life. 希望總有一日我地可以過渡到依種心情，繼續享受到生命中既快樂。而且無論晴天陰天雨天，開心唔開心，我地都希望可以陪伴大家渡過!
————————————————————————
#聽日真係會好天 #難過這種情緒 #一個情訊 #OneEMOmation
關心一線：27778899
服務時間：星期一至六 14:00-02:00