一個情訊｜ 失去的課堂時間
/空白的時間令我失去控制感/
2020係特別既一年，特別空白既一年。唔係停課就係Online上堂，而家就只係反半日。收到越嚟越多同學都擔心課程進度，低年級既同學可能擔心將來唔知有幾多補課等緊佢，中五六既同學更加徬徨，直接影響公開試。
/擔心這種情緒/
擔心，依個情緒其實係心入面對某事物有顧慮，又或者係驚有唔好既事情發生。會產生擔心情緒，其實可能係對未來或未知既事失去控制感！
過去大半年只可以被動地等疫情發展、對住電腦上堂，同學不但擔心課程進度落後，更加可能擔心成績差咗，或者會因為少見咗而同同學關係差左，種種憂慮都係因為對將來無控制感。
/情緒空間：活在當下，減低憂慮/
未來既變化同可能性實在好多，與其不斷擔心各種可能性，不如一齊試下今日情緒空間教既方法：
寫低一啲平時擔心既事，再集中精神去諗下有咩方法係我哋控制範圍內可以做到，減輕到我地擔心既問題。
例如: 我地好擔心少左上堂既時間會令成績差咗，但其實我地多左好多空閒時間，所以可以好好利用去做備課同溫習~
————————————————————————
#失去的課堂時間 #擔心這種情緒 #一個情訊 #OneEMOmation
關心一線：27778899
服務時間: 星期一至六 14:00-02:00