一個情訊｜ 若有所失
嗚嗚，嗚嗚，從前有一隻鳥叫開學鳥！開左學一個幾月啦，唔知同學仔慣唔慣返半日學呢?會唔會都有啲掛住返全日，同同學一齊放lunch既日子呢？
自從疫情開始，停課先掛住返學；Online上堂先掛住學校上堂；日日聽呀媽唱歌，先掛住音樂堂既走音笛；係床度日攤夜攤，先掛住體育堂可以跑步打波。
發現以前覺得理所當然既生活，原來有一日都可能會失去。
講起「失去鳥」，其實我哋每日都可能失去一啲理所當然既野，可能會唔見咗電話、銀包；可能會唔見咗時間、日子；亦都可能會唔見咗連繫、關係。面對失去，每個人都有唔同既情緒同感覺，對每個人都有唔同既意義。嚟緊兩個月就一齊探討下「失去既意義」。
對於「失去」，同學們又會諗起啲咩呢？你會有咩感受同心情呢？快啲inbox我地社工小編們傾下計啦！
——————————————————
#若有所失 #一個情訊 #oneemomation
關心一線：27778899
服務時間: 星期一至六 14:00-02:00