經歷左四個月既家居防疫日子，突然回歸返甘多人既學校，都驚驚地會有肺炎傳染😰。同埋用兩個月既時間去追返成個學期既課程📚，好驚自己跟唔切，好大壓力。
建議:
✅提早準備好防疫用品，令自己更安心
突然去返人多既地方，一定好唔習慣，但其實只要做返好防疫措施，同人之間有安全既社交距離，就唔洗甘擔心啦!例如:帶定酒精搓手液、消毒濕紙巾，定時定候噴下。預防萬一，帶定多個口罩套比隔離位同學仔。
✅面對壓力，搵個人同你分擔下
可能你一時之間想像唔到，點樣係兩個月內學習一個學期既知識，突如期來既壓力令你好焦慮😩，不妨搵同學👯♂️朋友、老師👩🏫或者學校社工傾下，分擔呢份憂慮，再一齊去諗有咩方法去應對。或者可以打黎關心一線☎️27778899，我地輔導員都隨時願意做你既樹窿🏝。
✅要有適當既放鬆時間
而家返學都只係返上午，成個下午既時間除左做功課同溫習，有時都要比自己有放鬆💆♀️既時間，例如: 同同學行街傾計🗣、做下運動🏃、睇齣電影🎬、從學業壓力中釋放。