1.成日自己一個，無朋友，好孤獨點算?
相信你一定好矛盾，嘗試過融入，但唔識點融入。
被孤立後會傾向會自我保護，
不知不覺間推開身邊關懷你嘅同學，
更會自我孤立，避免建立關係。
可以試吓開放自己，
鼓勵你搵信任既老師、社工或家人，
講出你內心既感受同經歷。
記得呀，你唔係孤單一人，我地一齊搵出方法。
以外貌取笑貶低其他人真係好多，
希望大家可以多啲付出溫暖，
可以多啲關注自己身邊被忽略嘅人。
2.果個「又靚又受歡迎既你」真係唔會孤獨嗎？
人天生有群居既需要，本能上會驚被排斥同遺棄，
孤獨會令你空虛不安。
但為左融入群體，
強迫改變自己，遮掩真正既自己，
孤獨感依然驅散不走。
孤獨感未必係獨處，
而係無法同其他人心靈上產生真正既連結，
係人群中都可以內心空蕩蕩。
孤獨嘅時候，唔洗即刻趕走呢種感覺。
我哋可以先同自己建立關係，
傾聽內心真正嘅諗法同需要，
加以整理、回應，內心先會充實同溫暖。
3.培養記錄心情嘅習慣
缺乏與人連結，思考變得負面，
容易貶低自己價值同懷疑身邊嘅人。
接納每個人都有孤獨嘅時候，
可以試下培養記錄心情嘅習慣，
欣賞每日嘅微少發現，
肯定自己嘅生活經歷係獨一無二的。