《復課｜同學說。二》
我叫子桓，我係一個F.5既紅社社長。
係我低Form既時候，
望住啲高Form師兄師姐係運動會帶領全社吶喊助威，
叫口號，真係好型。
今年終於輪到我啦，
上學期同內閣社員傾好曬搞社既活動計劃，
準備好迎接各項社比賽，
一個武漢肺炎抹殺曬我地上學期既預備同滿心既期待。
個個都話中五係最精彩既一年，
計我話係最頹廢既一年，
無曬運動會、Sing Con、社競技、試後活動，
只剩下無樣既Zoom Class、
見同學都係得返對眼、要上堂同考試既暑期。
期待左4年既社長，到頭來都只係掛名，真係好沮喪。
*以上故事根據個案改編
