人生總會受到好多控制唔到既因素影響，但我想同子桓講:
1. 專注當下，不再糾結「過去」
子桓既沮喪，更多係感到唔甘心，唔甘心係因為疫情停課令佢失去做社長既經歷，不過已經係處於「過去」既事，或許我地需要學習將注意力從「過去」既問題，回歸到「現在」。
而家最適當既做法，就係慰勞唔甘心既自己，例如享受最後放假既時光、送自己一份禮物或者搵朋友去玩。唔好比自己長期陷入沮喪既漩渦，要適當同唔甘心既「過去」一刀兩斷。
2. 唔好比情緒破壞你既判斷
如果你正處於負能量同沮喪既心情中，會好容易對事情落下消極既判斷，隨便就否定過去既努力同未來既機會。適當既時候搵同你作戰左半個學期既社員訴訴苦，互相鼓勵，一齊計劃下係餘下既返學日子點樣運用自己既身份服務同學。