/太多的爭拗 讓愛逼進絕路 怎向前走/
「你再唔覆我Message，我地就分手！」
「因為我緊張你先會check你location，點解要咁對我呀 ?」
「如果你揀同佢哋食飯即係唔愛我！」
Christy其實好後悔每一次同男朋友鬧交時自己講既說話，但每一次情緒一激動，就會不受控制咁衝口而出。後尾上網無意之中睇到，先發現其實自己一直都情緒勒索緊對方。
/沉鬱的愛人誰想吻 辛苦與我繼續行 是愛還是責任/
「我真係好愛你架，但我發現我既愛令你好痛苦，原來我根本唔識得愛人。」
Christy同男朋友一齊既時光大多數都係開心，佢知道男朋友其實都好錫自己，但生活中總會有一線既藥引，引動心底既不自信同不安全感爆發。漸漸地溝通變得越嚟越無力，甚至唔溝通。男朋友長時間既沉默同遷就，令佢意識到自己既愛磨蝕咗對方既個性，好似已經返唔到去當初既時光，自由單純咁去相處。
/還想好好的跟你抱擁 誰知竟親手將愛告終/
「我今次真係想分手。放過你，同埋放過自己⋯⋯」
Christy知道自己愛得太恐怖，呢段關係大概已經走到盡頭。或者係愛人之前，要先學識愛自己，先可以自信地相信一段關係，相信對方。
大家有無身處於一段情緒勒索既關係中？可以互相折磨既往往都係最親密既人，無論勒索者定被勒索者，其實都唔開心。如果你遇到以上情況，歡迎留言或者inbox話同我地分享。
歌詞來源 :《我想和你好好的》陳蕾